„რადისონ ბლუ თბილისი“ ტუტუ კილაძის პერსონალურ გამოფენას მასპინძლობს „სილკ ჰოსპიტალიტისა“ და „სილკნეტის“ მხარდაჭერით
Silk Hospitality და Silknet აგრძელებენ ქართველი მხატვრების მხარდაჭერას და ამჯერად Radisson Blu Tbilisi-ში სტუმრებს ტუტუ კილაძის ნამუშევრებს წარუდგენენ.
კილაძის ხელოვნება მნახველს მაშინვე იზიდავს თავისი გულწრფელობით, ემოციური ინტენსივობითა და სპონტანური ვიზუალური ენით. მისი ნახატები მოთხრობებს ჰგავს, რომლებიც ცისფერ ტალღებსა და მოტივტივე ნავებზე, ფერად მინდვრებზე, აყვავებულ ხეებზე, მოციმციმე ტბორებზე, ფიფქებზე, ასევე ცნობისმოყვარე, კეთილი ადამიანებისა და ზღაპრული ცხოველების შესახებ მოგვითხრობენ.
მხატვარი 1981 წელს თბილისში დაიბადა და გაიზარდა. აკადემიაში ჩარიცხვის შემდეგ, მან ძირითადად ზეთის საღებავებით დაიწყო მუშაობა, თუმცა მიაჩნია, რომ სხვადასხვა მასალასთან ექსპერიმენტები ნებისმიერი მხატვრისთვის აუცილებელია. ბავშვობაში ის იკვლევდა ფერად ფანქრებს, გუაშითა და აკვარელით საღებავებს; მოგვიანებით კი, მან ზეთის საღებავებით, რბილი პასტელებითა და კერამიკითაც კი დაკავდა.
„ჩემი სხვადასხვა პერიოდის ნახატები და კერამიკული ფილები Radisson Blu Iveria-ში არის გამოფენილი. ზღვა ჩემს ნამუშევრებში განმეორებადი თემაა. ასევე ნახავთ ფილებს, რომლებიც შთაგონებულია „ვეფხისტყაოსნით“ , რომელიც მომავალი წიგნისთვის ილუსტრირებული მაქვს. შთაგონებას ყოველდღიური ცხოვრებიდან, ურთიერთობებიდან და მარტივი მომენტებიდან ვიღებ. ხატვას ფერებით ვიწყებ და განწყობას მივყვები, ხშირად გზაში ახალ რაღაცეებს აღმოვაჩენ. კერამიკასთან მუშაობა განსაკუთრებით საინტერესოა, რადგან საბოლოო შედეგი ყოველთვის სიურპრიზია. თიხას ძალიან მივეჯაჭვე და პროცესი ძალიან მსიამოვნებს. ეს სივრცე ნამუშევრებს შესანიშნავად ერგება. დახრილი კედლები უნიკალურ შეგრძნებას ქმნის, თითქოს ნახატები ლივლივებს და მსუბუქ და ელეგანტურ გამოფენას ქმნის.“ - ტუტუ კილაძე, მხატვარი.
„ტუტუს გამორჩეული სტილი ძალიან გამორჩეულია; მისი ნამუშევრების ამოცნობა თითქმის ყოველთვის პირველივე შეხედვით შეგიძლიათ. ჩვენ მუდმივად ვეძებთ მხატვრებს, რომლებიც უნიკალურ რამეს გვთავაზობენ, რაც საშუალებას გვაძლევს, ჩვენი სასტუმროს სივრცეებში საერთაშორისო სტუმრებისთვის ქართული ხელოვნება გავაცოცხლოთ. მე მჯერა, რომ ტუტუ დღეს ერთ-ერთი ყველაზე გამორჩეული ქართველი მხატვარია და მისი გამოფენა გამოირჩევა მრავალფეროვნებითა და ნათელი ფერთა პალიტრით“, - ამბობს მარიამ კაკაბაძე, Silk Hospitality-ის ხელოვნების კურატორი.
გამოფენა სასტუმროს გალერეის სივრცეში 20 აპრილიდან 15 ივნისამდე იქნება წარმოდგენილი.
